• Басты
  • Атыраудың жұмыс берушілері мамандарды дайындау үрдісімен танысты

Атыраудың жұмыс берушілері мамандарды дайындау үрдісімен танысты

19 Қараша, 2014 13:33
Атырау қаласындағы Өңіраралық кәсіби кадрларды дайындау және қайта дайындау орталығында жұмыс берушілер үшін Ашық есік күні өткізілді, деп хабарлады «Кәсіпқор» Холдингі.

«Ашық есік күнін өткізу мақсаты жұмыс берушілерді болашақ білікті мұнайгаз мамандары болатын студенттерді дайындау процесімен таныстыру болды. Іс шараға жұмыс берушілер ретінде «Тенгизшевройл» ЖШС, «Атырау мұнай өңдеу зауыты» ЖШС,  NCPOC, «Өзенмұнайгаз» АҚ  және т.б. сияқты ірі өңірлік мұнайгаз компаниялары қатысты», - делінген хабарламада.

Ашық есік күніне қатысу кезінде түлектердің машықтануын және жұмысқа орналастыруын ұйымдастырудағы жаңа жолдарды, жас мамандарға қойылатын талаптарды, мамандарды дайындауды жетілдіру ұсыныстарын талқылады.

Аталған іс шара келешектегі жұмыс берушілер мен іс шараны ұйымдастырған  «Кәсіпқор» Холдингі арасындағы ынтымақтастықты оданда тереңдетуге жол ашты. Баршаға ортақ мақсат бүкіл еңбек нарығы талаптарына және әлемдік стандарттарға сай білікті кадрлар дайындап шығару болды.

 

 

 

 

Барлық жаңалықтар