• Басты
  • Астанада әскери-патриоттық акция аясында Қазақстан әскерінің тектері мен түрлері таныстырылды

Астанада әскери-патриоттық акция аясында Қазақстан әскерінің тектері мен түрлері таныстырылды

19 Қараша, 2014 10:17
«Қазақстан» Орталық концерт залында өткен «Жеңіс туы желбіре» атты әскери-патриоттық акциясына қатысушылар атыс қаруларынан, қызметтік киім-кешек пен әскери қызметшілердің киім үлгілерінен тұратын көрмені тамашалап, Қазақстан әскерінің тектері мен түрлерімен танысты.

Қорғаныс министрлігі хабарлағандай, Ұлы Отан соғысындағы Жеңістің 70 жылдығын тойлауға арналған акцияны Астана қаласынның Қорғаныс істері жөніндегі департаменті мен «Нұр Отан» партиясы қалалық филиалының «Жас Отан» Жастар қанаты ұйымдастырып отыр. Бұл шара жалпы ұлттық құндылықтарды, әскери-патриоттық тәрбиені насихаттау мен нығайтуға арналған.

Акцияға қатысушылар екі мәрте Кеңес Одағының Батыры, аты аңызға айналған ұшқыш Талғат Бигелдиновты еске алды.

ҚР ҚМ Орталық әскери оркестрі Екінші дүниежүзілік соғыс кезіндегі әскери-патриоттық әндер топтамасын орындады.

Әскери-патриоттық акцияға Парламент депутаттары, Ұлы Отан соғысының ардагерлері, жергілікті соғыстарға қатысушылар, кадеттік және жалпы білім беретін мектептерде оқитын жастар ұйымдары қатысты. 

Барлық жаңалықтар