Қазақ күресі бойынша өтетін турнирге 12 елдің 60 балуаны қатысады
18 Қараша, 2014 19:21
22 қарашада Тараз қаласындағы «Тараз-Арена» спорт сарайында Балуан Шолақ бабамыздың 150 жылдық мерейтойына орай қазақ күресінен «Eуразия Барысы» ІІ халықаралық турнирі өтеді, деп хабарлады МСМ.
««Eуразия Барысы» ІІ халықаралық турниріне 12 елден 60 балуан қатысады. Жарыс 60 келі, 70 келі, 80 келі, 90 келі және + 90 келі салмақ дәрежелеріндегі балуандар арасында өтеді. Турнирге Ресей, Қытай, Түркия, Моңғолия, Әзірбайжан, Грузия, Украина, Польша, Тәжікстан, Қырғызстан, Өзбекстан және Қазақстан елінің ең үздік балуандары қатысады», - делінген хабарламада.
«Eуразия Барысы» турнирінің жалпы жүлде қоры 100 мың АҚШ долларын құрайды.
Жарыс соңында әдеттегідей көрермендер арасында өте бағалы жүлде ойнатылады.
