Нұрлы жол – орындалуы міндетті саяси құжат

18 Қараша, 2014 15:17

Жыл сайын Мемлекет басшысынан үлкен жақсылық, жұртқа шапағаты тиетін бағдарламалар күтеміз және сол үшін қуанамыз. Өйткені Елбасы Жолдауының қайсысын алып қарасаңыз да, стратегиялық маңыздылығы мен белгілі мерзімде нақты міндеттер мен мәселелердің шешілуін қамтамасыз етуге бағытталғанын көреміз. Бүгінгі Жолдауы да саяси және экономикалық тұрғыда ерекшеленіп отыр, деді Strategy2050.kz ақпараттық агенттігіне берген сұхбатында Жамбыл аудандық соғыс және еңбек ардагерлері кеңесінің төрағасы Келгенбай Шалқаров.

«Жолдауда айтылғандардың барлығы өте маңызды, халықтың жағдайын жақсартуға тікелей бағытталған мәселелер. Қазіргі таңда, жасыратыны жоқ, баспаналы болудың қиындығы аз емес. Елбасы осы мәселені шешудің тиімді бір жолын атап көрсетті. Ол Қазақстанда пайыздық мөлшері төмен және бастапқы жарнасы төленбейтін жаңа бағдарлама іске қосылатынын мәлімдеді», - деді ол.

Оның айтуынша, баспанаға мұндай қолжетімділік бұрын-соңды болған емес. Елбасы осы бағдарлама бойынша баспана құрылысына 2015-2016 жылдары қомақты қаржы бөлінетінін де жеткізді.

«Басқа да көп көкейтесті мәселелердің шешімі көрсетілген Жолдауды бар ынта-ықыласпен тыңдадым және барлығын қолдаймын. Халыққа жасалған қамқорлық үшін қуанамын. Ендігі жерде баршамыз ынтымақ пен бірлікті ту етіп, Елбасының ой-тұжырымжадамаларынан туындайтын міндеттерді орындауға күш салуымыз керек. Себебі Жолдау – міндетті түрде орындалуы тиіс саяси құжат», - деді ол.

Барлық жаңалықтар