2016 жылдың соңына дейін «Самұрық-Қазына» ЖМҚ 600 мың шаршы метрден астам тұрғын үйді пайдалануға бермек (Брифинг бейнебаяны)
18 Қараша, 2014 14:04
2016 жылдың соңына дейін «Самұрық-Қазына» Жылжымайтын мүлік қорының бағдарламасы аясында 600 мың шаршы метрден астам тұрғын үйді пайдалануға беруді көздеп отыр, деп ағынан жарылды «Самұрық-Қазына»ЖМҚ» АҚ Басқарма төрағасы Болат Палымбетов.
«Ағымдағы жылы Жылжымайтын мүлік қоры Астана, Алматы, Қарағанды, Шымкент, Ақтау, Қызылорда, Өскемен қалаларында бағдарлама шеңберінде тұрғын үй құрылысын бастамақшы. 2016 жылдың соңына дейін Қор 600 мың шаршы метрден астам тұрғын үйді пайдалануға беруді көздеп отыр», - деді ол.
Сонымен қатар, айта кетерлік жайт, «Қолжетімді баспана -2020» бағдарламасын жүзеге асыру шеңберінде Қор тұрғын үй құрылысы бойынша 15 жобаны бастап кетті. Оның жалпы көлемі 660 мың шаршы метр, ал оның 542 мың шаршы метрі Қорға тиесілі.
«2013-2014 жылдарда Кор Ақтөбе, Тараз және Алматының сырт жағында жалпы көлемі 151 мың шаршы метрді құраған көппәтерлі үш тұрғын үйді пайдалануға берді», - деп түсіндірді Б. Палымбетов.
Индира Кауметова
