• Басты
  • Ақмола облысында «Жас Отан» мүмкіндігі шектеулі жастармен кездесу өткізді (ФОТО)
18 Қараша, 2014 15:03

Ақмола облысында «Жас Отан» мүмкіндігі шектеулі жастармен кездесу өткізді (ФОТО)

Ақмола облысында «Нұр Отан» партиясы мен «Жас Отан» жастар қанаты мүмкіндігі шектеулі жандардың өмір сүру сапасын арттыруға бағытталған «Кедергісіз келешек» жобасын іске асыруда, деп хабарлайды «Ақмола Медиа Орталығы».
Ақмола облысында «Жас Отан» мүмкіндігі шектеулі жастармен кездесу өткізді  (ФОТО)

Мүмкіндігі шектеулі жандарды қаланың қоғамдық-мәдени өміріне араластыру, күн тәртібіндегі өзекті мәселелерді талқылау мақсатында «Жас Отан» жастар қанаты облыс орталығында мүмкіндігі шектеулі жандармен кездесу өткізді.

«Шараға пауэрлифтингтен халықаралық деңгейдегі спорт шебері Олег Гридасов, өңірлік ХҚКО қызметкері Еркін Ғаббасов, облыстық филармония сазгері Әлібек Ахмалишев, Біржан сал атындағы музыкелық колледж студенті Алтынбек Ақниет, «ШАНС» ҚБ қызметкері Виктория Кучма, кәсіпкер Валерий Чернышев, ауыр еститін балаларға арналған №4 облыстық мамандандырылған түзету  мектеп-интернатының тәрбиешісі Айзат Қайрулина, Азамат Негметжанов, Илона Шорникова, «Еріктілер мектебі» белсенділері мен жетекшілері қатысты», - делінген хабарламада.

Қатысушылар күнделікті өмірде мүмкіндігі шектеулі жандардың алдынан шығатын кедергілер туралы айтып, оларға шешім іздеп, Елбасының «Нұрлы Жол» Жолдауын талқыға салды.  

Сонымен қатар, «Жас Отан» өкілдері «Әлеуметтік нысандардың қолжетімділік картасы» мобильді қосымшасын таныстырды. Жалпы, жастар бас қосып, өзара әңгіме-дүкен құрды. Музыкалық аспаптарда ойнап, қызықты уақыт өткізді.

Облыстық «Жас Отан» жастар қанаты бөлімшесінің атқарушы директоры Жанар Жүнісованың айтуынша, кездесу сәтті өтті. «Мүгедек жастардың өмірге деген құлшыныстары мен талпыныстары өте жоғары. Қоғам өміріне белсене ат салысуға құштар. Біздің басты міндетіміз олардың тең құқылы өмір сүруін қамтамасыз ету», - дейді. 

Барлық жаңалықтар