Президент Жолдауында адамзаттың басты үш мәселесі көтерілген – Тілеуов
18 Қараша, 2014 11:04
Президент Жолдауында адамзаттың басты үш мәселесі көтерілген, атап айтар болсақ ол энергетика, экологгия және азық-түлік мәселесі, деп мәлімдеді бүгін ҚР Президенті жанындағы ОКҚ брифингінде техника ғылымдарының докторы, профессор Асхат Тілеуов.
Оның айтуынша, Президенттің «Нұрлы Жол – болашаққа бастар жол» Жолдауы өзінің 2013 жылы жарияланған «Қазақстан жолы-2050: бір мақсат, бір мүдде, бір болашақ» Жолдауының заңды жалғасы болып табылады. Онда елдің алдағы даму жолы көрсетіліп, алға қойылған мақсаттарға жетудің нақты жоспарлары көрсетілген.
«Жаңа экономикалық саясатқа сай, экономиканы өрге сүйреп, халықты барынша молынан жұмыспен қамтитын ел экономиксына мультипликативті тиімділік беретін салалар бірінші кезекте қолдауға ие болуы керек. Ол дегеніңіз қазіргі таңда көлік, әлеуметтік және энергетикалық инфрақұрылым, мағын және орта кәсіпкерлік. Сонымен қатар, білім беру саласы мен ауыл шаруашылығы да назардан тыс қалмақ емес», - дейді профессор.
Индира Қауметова
