Сингапурдың Ұлттық көліктік -логистикалық институты қазақстандық 25 еңбеккерді оқытады

«Оқуға «Қазақстан темір жолы» ҰК» АҚ құрылымдық бөлімшелері мен орталық аппаратынан 25 еңбеккер қатысады», - делінген хабарламада.

Азия-Тынық мұхит аймағы көліктік логистикалық институты Сингапур Ұлттық институты мен Джорджия (АҚШ) техникалық университетінің ғаламдық логистика саласындағы білім бағдарламасы мен зерттеуінің бірлескен жобасы.

Аталмыш серіктестік ғаламдық логистиканың ақпараттық технологиясы, өнеркәсіптік инжинирингі, жеткізудің тізбектік басқаруындағы іс тәжірибелер мен дәрістерді қамтиды.

Сабақты сарапшылар - ғылым кандидаты, атқарушы директор, профессор Роберт де Сауза мен доктор, Сингапур Ұлттық университетінің бизнестік шешімдер қабылдау факультетінің профессоры Тан Кок Чун жүргізеді.

Сарапшылар көліктік және логистикалық үкіметтік комиссияның мүшелері болып табылады. Массачусетс технологиялық институтының технологиялық зерттеу орталығының стипендия иелері. Олар көптеген ғылыми -зерттеу тәжірибелік жобаларына қатысқан. Оның ішінде «Сингапур портын басқару», «Жер үсті көлігін басқару» т.т.

Айта кетейік, институт логистикадағы жоғары стандарттарға ие. Азия -Тынық мұхиты аймағындағы логистиканың Азия көліктік және қамтамасыз ету (AFSCA) сыйлығының «білім қызметі саласындағы үздік ұйымдастыру» аталымының 11 мәрте жеңімпазы болып табылады. Сондай-ақ, 2009, 2010 және 2011 жылдарғы Азияның қамтамасыз ету сыйлығының «Оқыту және дайындау» аталымының үш мәрте жеңімпазы.