Елбасы Жолдауында қазіргі таңдағы геосаясаи және геоэкономикалық ахуал ескерілген

18 Қараша, 2014 10:02

«Нұр Отан» партиясының Саяси Кеңесінде Елбасы – Н.Ә.Назарбаев күтпеген жерден 19-ші рет Қазақстан халқына «Нұрлы жол – болашаққа бастар жол» атты Жолдауын жария етті. Жолдау әрқайсымызға жаңа бағыт, жаңа міндет пен талаптар жүктеді, деді Strategy2050.kz ақпараттық агенттігіне берген сұхбатында Ақтөбе облыстық жастар саясаты мәселелері басқармасының бөлімі басшысының міндетін атқарушы Сәбит Мұқанов.

«Президенттің әрбір Жолдауы бірін-бірі толықтырып тұратын, біртұтас дүние. Әлбетте, бұл жолдаудың маңызды ерекшелігі – Президенттің қазіргі таңдағы геосаясаи және геоэкономикалық ахуалды ескере отырып, «Қазақстан-2050» Стратегиясын іске асыру жолындағы нақты бағыттарды көрсетіп бергені», - деді ол

Шын мәнінде, қазіргі кездегі жаһандық экономикадағы үдерістерден туындап жатқан сын-қатерлерге орай әрекет ету үшін Мемлекет басшысының бұл Жолдауы дер кезінде баяндалған стратегиялық құжат екендігіне көз жеткізіп отырмыз.

«Бұл Жолдау, біз үйренген ұзақ Жолдау болмағанмен, ел экономикасын дамыту жолындағы басты бағыттар айқындалған толыққанды Жолдау болып шыға келді», - деді С.Мұқанов.

Елбасы айтқандай, білім беру, денсаулық сақтау, ауыл шаруашылық салаларынан бөлек жол салу, орта және шағын бизнесті дамыту бойынша шешім қабылдауда жастардың рөлі ерекше. Егер де біздер, жастар, осы Жолдаудағы қойылған міндеттерді орындауға ат салыссақ, мемлекет те ойдағыдай дамитыны сөзсіз.

«Сонымен қатар, мұқтаж азаматтардың, оның ішінде жас отбасылардың баспаналы болуына тамаша мүмкіндік ол – 2015 жылда жаңа тұрғын үй бағдарламасының жүзеге асырылуы», - деді ол.

Қазақстан Республикасы Конституциясының, Қазақстан халқы Ассамблеясының 20 жылдығын, қазақ ұлттық мемлекеттілігінің 550 жылдығын тойлау және EXPO-2017 халықаралық көрмесін ауқымды дайындықпен ұйымдастыру – Жолдаудың тағы да бір қуантарлық жағымды тұсы.

Барлық жаңалықтар