ҚР елшісі ОАР Ұлттық Ассамблея спикерімен «Нұрлы Жол» Жолдауын талқылады

«Кездесу барысында елші спикерге Қазақстанның ішкі және сыртқы саясатындағы басым бағыттарды таныстырып, Қазақстан-Оңтүстік Африка мемлекеті ынтымақтастығының даму болашағын баяндады. Елші өз сөзінде ҚР Президенті Нұрсұлтан Әбішұлы Назарбаевтың «Нұрлы Жол – болашаққа бастар жол» Жолдауына кеңінен тоқталды. Қазақстандық миссия басшысы Мемлекет басшысының алға қойған міндеттеріне жекелей тоқталды», - делінген хабарламада.

Б.Мбете өз кезегінде Жолдаудың әлеуметтік міндеттемелеріне ерекше көңіл аударып, соның ішінде шағын және орта кәсіпкерлікті дамытуға көрсетілетін қолдауға, тұрғын үй мен мектепке дейінгі білім беру саласына қызығушылық таныттты.

Спикердің сұрауымен қазақстандық елші Қазақстан Парламенті қызметі туралы айтып, оның халықаралық белсенділігін де тілге тиек етті. Тараптар парламентаралық диалогтың даму болашағынан үлкен үміт күтетінтіктерін білдірді. ОАР Парламенті спикері ҚР-ОАР достығы парламентаралық тобын құру ұсынысын қос қолдап қолдады.