Ұлттық Банктің қарызы 186 млрд теңгені құрады
25 Қыркүйек, 2013 14:52
Қазақстан Ұлттық Банкінің қарызы 2013 жылдың 1 тамызы бойынша 186 млрд теңгені құрады. Бұл туралы Қаржы министрлігі хабарлады.
Жарияланған мәліметтер бойынша республика үкіметінің қарызы 3 760,9 млрд теңгені құрады. Оның ішінде ішкі қарыз – 3 061, 1 млрд теңге, сыртқы қарыз – 699,9 млрд теңгені құрап отыр. Ал Ұлттық банк қарызы 89,4 млрд теңгені құрады.
2013 жылдың 1 қаңтары бойынша мемлекеттік қарыз 3 828,3 млрд долларға жетті.
ҚР үкіметінің қарызы 3 626,7 млрд теңгені құраса, сыртқы қарыз – 729,7 млрд теңгені, ішкі қарыз – 2 896,9 млрд теңгені құрап отыр. Атқарушы органдардың қарызы – 15,5 млрд теңгеге жеткен.
