• Басты
  • 2014 жылдың соңына дейін ЖЭК-тің 9 нысаны салынып бітеді
17 Қараша, 2014 18:19

2014 жылдың соңына дейін ЖЭК-тің 9 нысаны салынып бітеді

2014 жылдың соңына таман жаңартылмалы энергия көздерінің 113,05 МВт-тық қуаттылыққа ие 9 нысаны салынып бітеді.
2014 жылдың соңына дейін  ЖЭК-тің  9 нысаны салынып бітеді

Президенттің Қаулысымен бекітілген Қазақстанның «Жасыл экономикаға» өту тұжырымдамасында айтылғандай жел және күн электростанцияларын салу арқылы жаңартылмалы қуат көздерін дамытуды қолға алу қажет. Осы орайда 2020 жылға қарай электр энергиясы өндірісінің 3 пайызы осы салаға қатысты болуы керек.

Сараптамаларға сүйенсек, Қазақстанның жаңартылмалы энергия көздері ресурсының әлеуеті 1 трлн кВт/с көлемінде деп көрсетілуде.

Жел электр станциялары Жамбыл, Ақмола мен Солтүстік Қазақстан облыстарында бар. Алматы, ОҚО мен Жамбыл облыстарында күн энергиясын өндіретін алаңдар бар.

Алдын ала болжамдар бойынша ЖЭК нысандарындағы электр энергиясының өндірісі 2014 жылдың 9 айында 383,4 млн кВт/с құрайды.

Қазіргі таңда ЖЭК жобаларын іске асыруға арналған ұйымдастырушылық және құқықтық негіздер қалыптастырылған. Қазақстан өңірлерінде жаңартылмалы қуат көздерінің нысандарына арналған жер телімлері белгіленуде. Сонымен қатар, Есептеу-қаржылық орталығы құрылды.

Айта кету керек, жаңартылмалы қуат көздерінің әр түрі үшін тариф айқындалған. ЖЭС үшін бұл 22,68 теңге/кВтс, КЭС – 34,61 теңге, биогаз құрылғылары үшін 32,23 теңге.

Барлық жаңалықтар