«Нұрлы жол» - экономикалық дағдарыс әлем елдерін алаңдата бастаған тұста жарық көрген маңызды құжат

«Расында, «Қой үстіне бозторғай жұмыртқалаған» бүгінгі таңдағы ұрпақ бақытты. Өйткені олар тәуелсіздіктің тал бесігінде тербеліп, барлық арман-мүддесін елінің келешегімен өрнектеп келеді. Кейде көрші мемлекеттерде болып жатқан қақтығыстар мен тұрақсыздықты теледидардан көргенде, сол туралы басылымдардан оқығанда еліміздегі тұрақтылық пен бейбіт күнге ризашылықпен қарап, «Ұзағынан сүйіндірсін» деген ақ тілеуімді жаудырып отырамын. Әсіресе, осындай игілікке жеткізген  еліміздің Тұңғыш Президенті, Елбасы Нұрсұлтан Назарбаевтың салиқалы саясатына, әсіресе, әр жыл сайын атқарылатын жұмыстарға бағыт-бағдар беретін халыққа Жолдауларына барша қазақстандықтар борыштар деп есептеймін», - деді ол.

Осы ретте Ұлт Көшбасшысының биылғы «Нұрлы жол»  атты Жолдауын экономикалық дағдарыс әлем елдерін алаңдата бастаған тұста жарық көрген маңызды құжат деп санаймын. Сондай-ақ, аталмыш құжат ел халқының өркениетті ел болу жолындағы жоспарларына жол ашумен қатар, елімізді түрлі қиындықтан аман-есен алып шығып, келешектегі дамыған отыз елдің қатарына қосуға серпін беретіндігі белгілі.

«Елбасы жаңа Жолдауда: «Тұрақтылық пен келісім дегеніміз не? Ол отбасылық әл-ауқат, қауіпсіздік, баспана. Бейбітшілік – ол әке мен ана қуанышы, ата-аналар денсаулығы және біздің балаларымыздың бақыты. Бейбітшілік – ол тұрақты жұмыс, жалақы және ертеңгі күнге деген сенім. Бейбітшілік пен тұрақтылық – күн сайынғы еңбекпен қорғап, нығайтуды қажет ететін жалпыхалықтық жетістік. Мен жастар– біздің болашағымыздың тірегі дегенді әркез айтып келемін. Мемлекет жаңа буынның алдында барлық есіктер мен жолдарды ашты! «Нұрлы Жол», міне, біздің креативті ырғақты жастарымыздың күш-жігер жұмсап, құлаш сермейтін тұсы осы!», – деп алдағы уақыттағы барлық жоспарымызға керекті түйінді ойларды көрсетіп берді. Бұл қолға алған жұмысымыздың нәтижелі болуының кепілі», - деді ол.