Сенатта Қазақстан мен Италия арасындағы сотталған адамдарды беру туралы шартты ратификациялау туралы заң жобасы қаралды
17 Қараша, 2014 12:43
Бүгін Қазақстан Республикасы Парламенті Сенаты Конституциялық заңнама, сот жүйесі және құқық қорғау органдары комитетінің кеңейтілген отырысында «Қазақстан Республикасы мен Италия Республикасы арасындағы сотталған адамдарды беру туралы шартты ратификациялау туралы» заң жобасы қаралды, деп хабарлады Сенаттың баспасөз қызметі.
Шарт бостандықтан айыру түріндегі жазасын одан әрі өтеуді өз отанында жалғастыру үшін сотталған адамдарды беру мүмкіндігіне байланысты мәселелерді реттейді.
Осындай халықаралық шарттар Әзербайжан, Түрікменстан, Украина, Қытай, Түркия, Испания және Венгриямен жасалған болатын.
Құжат Палатаның қарауына жіберілді.
