• Басты
  • Павлодарда гендерлік саясат мәселелері тақыланды

Павлодарда гендерлік саясат мәселелері тақыланды

17 Қараша, 2014 15:46
Павлодарда «Әйелдерді шешім қабылдау деңгейіне көтеру» тақырыбында республикалық конференция өтті, деп хабарлады облыс әкімдігі.

«Конференция әйелдерге қатысты теңсіздіктің жойылу тұжырымдамасы аясында өтті. Шараға елдің әр өңірінен келген 100-ден аса адам қатысты. Осы жылдың басында Дүниежүзілік экономикалық форум мәліметі бойынша Қазақстан гендерлік қорғау бойынша 136 елдің ішінде 32 орынды иеленді», - делінген хабарламада.

Әкімдікте атап өткендей, әйелдердің саясатқа араласуы жағынан Қазақстан 65 орында тұр. Елдегі жүргізіліп жатқан жұмыстардың әсерінен мемлекеттік басқару саласындағы әйелдердің саны өсуде. Қазіргі таңда мәслихатқа қатысатын әйелдер саны: Қостанайда-31 пайыз, Ақтөбеде-28 пайыз, Павлодарда – 23, Қарағандыда – 21,5 пайыз, жалпы, республикалық көрсеткіш 18,2 пайызды құрап отыр.

Сондай-ақ, республикалық конференция «Екі жұлдыз» қайырымдылық акциясымен бірге өтті. Шараны Павлодар облысының іскер әйелдер қауымдастығы екінші рет өткізіп отыр. Аталмыш шара әр түрлі аймақтан келген адамдар арасында қарым-қатынас орнатуға мүмкіндік береді. 

Барлық жаңалықтар