Железин ауданының 14 елді мекені орталықтандырылған сумен қамтылды - әкім
14 Қараша, 2014 15:32
Павлодар облысының әкімдігінде «Железин ауданының әлеуметтік-экономикалық дамуы туралы» баспасөз мәслихаты өтіп, оған Железин ауданының әкімі Қ. Абушахманов қатысты, деп хабарлады облыс әкімдігі.
«Оның мәлімдеуінше, ауданда ауылдық елді мекендерді сумен қамту мәселесіне баса назар бөлініп отыр», - делінген хабарламада.
Бүгінгі таңда ауданның барлық тұрғындары ауызсумен, оның ішінде 26 елді мекен жекелей және 14 елді мекен орталықтандырылған сумен қамту жүйесін пайдаланады.
Сонымен қатар мұнда 2КБМ мен 33 су ұңғымасы жұмыс істейді.
«Железин ауылы тұрғындарының 80 пайызы орталық су құбырына қосылған», - деді аудан әкімі.
