Елбасының Жолдауын жастар қолдайды – Қабасова

14 Қараша, 2014 12:13

Қай кезеңде болмасын мемлекеттік жастар саясаты- саясаттың негізгі бағыттарының бірі. Ел ертеңі саналатын жастардың әрқашанда Елбасының салиқалы саясатын қолдап, халыққа деген Жолдауын жүзеге асыруға ықпал етуі заман талабы, деді Strategy2050.kz ақпараттық агенттігіне берген сұхбатында ШҚО, Жарма ауданы , Жастар үйі нің әдіскері Е.Қабасова мәлімдеді.

««Нұрлы жолға» шақыратын биылғы Жолдаудың жастар үшін маңызы ерекше. Жастар – елдің өсіп-өркендеуі жолындағы негізгі күш болып саналады. Қоғамның кез-келген саласында жастардың күш-жігерінсіз жүзеге асқан шаралар кем де кем. Жастардың белсенділіктері, қоғамдық жұмыстарға деген құлшыныстары Елбасы Жолдауын мерзімінен бұрын сандық және сапалық тұрғыда орындауға басты себеп», - деді ол.

Сондықтан да Елбасының қашанда жастардың жағдайларын жақсарту, олардың қоғамда өз орындарын табуына қолдау көрсетуі асқан бір көрегендіктің белгісі.

«Жастар қашанда Жолдаудың барлық бағытын дұрыс және жүйелі түрде жүзеге асыруға ықпал етеді. Бүгінгі таңда жастардың жан-жақты дамып –жетілулері, әлемнің алдыңғы қатарлы елдерінде білім алулары, әлемдік саясат сахнасында өз орындарын айшықтай білулері ең алдымен Елбасының саясатымен байланысты», - деді жас маман.

Қазіргі уақытта жастардың өздеріне лайықты кәсіппен айналысулары, біліміне сәйкес, белгілі мамандық иесі атанулары Елбасының қолдауымен жарық көріп жатқан мемлекеттік бағдарламалар негізінде.

Ақпарат пен жаңа технологиялардың дамыған заманында, өзгелерге үлгі болатын өркениет әлемінде жастар өздерінің заманауаи идеяларымен көш бастаушылар болып саналады.

Барлық жаңалықтар