Тұрақты дамудың қазақстандық моделі бүгінде бүкіл әлемге үлгі – Бижанов
14 Қараша, 2014 11:28
Мемлекет басшысының халыққа арнаған Жолдауы барлық бағдарламаларды қамтыды. Ел бірлігі – біздің барша табыстарымыздың кілті, деді ардагерлер кеңесінің төрағасы Қожайхан Бижанов.
«Елбасы Н.Назарбаев 2015 жылы – ұлттық тарихымызды ұлықтау және бүгінгі биіктерімізді бағалау тұрғысынан мерейлі белестер жылы. Қазақ хандығының 550 жылдығын, Қазақстан халқы Ассамблеясы мен Конституциямыздың 20 жылдығын, Ұлы Жеңістің 70 жылдығын атап өтетіндігімізді айтып өтті», - деді ол.
Осынау тарихи белестер Жаңа Қазақстандық Патриотизмді ұрпақ жадына сіңіруде айрықша рөлге ие болатындығы сөзсіз.
«2015 жылды Қазақстан халқы Ассамблеясы жылы деп жариялауы елдің тұтастығы мен бірлігі, татулығы мен тыныштығын сақтау ең басты назарда екендігін айқын аңғартады», - деді төраға.
