Елбасының жыл сайынғы Жолдауы халықты біріктіре түседі – әкім

 «Нұрлы Жол» жаңа экономикалық саясаты  - бұл әлемнің 30 дамыған елі  қатарына жасалған маңызды қадам, біздің басты мақсатымыз қысқа мерзім ішінде Елбасының тапсырмаларын сапалы орындау болып табылады,-деді әкім.

Аймақ басшысы өз баяндамасында Елбасы тапсырмалары аясында туындайтын міндеттерді жүзеге асыру мен өңірді дамыту жолында атқарылар жұмыстарға тоқталды. Мысалы, соңғы үш жылда «Тұрғын үй коммуналдық шаруашылығын жаңғырту» бағдарламасы аясында  139 көпқабатты тұрғын үйге 1,7 млрд, теңге бөлініп, күрделі жөндеу жұмыстары жүргізілген. Келесі жылы  2.0 млрд.теңгеге  104 тұрғын үйді жөндеуден өткізу жоспарлануда, деп хабарлады облыс әкімдігі.

 «Батыс Еуропа-Батыс Қытай» халықаралық көлік дәлізі бойында 8 сервистік кешендерінің құрылысы үшін жер телімдері белгіленіп, 2,4 млрд теңгеге инвестиция тартылуы күтілуде.Ағымдағы жылы өңірдегі 21 елді-мекен көгілдір отынмен қамтамасыз етіледі. Қазір облысқа қарасты ауыл-аймақтарда тұратын 600 мың тұрғын немесе  34 пайызы көгілдір отынға қол жеткізген. Бұл бағытта 2015 жылы республикалық бюджеттен 2,0 млрд. қаражат қарастырылуда.

Ал  «Бизнестің жол картасы-2020» бағдарламасы  басталғалы өңірде құны 41,4 млрд. теңгені құрайтын 352 жоба қолға алынған болатын. Осы бағыт бойынша келесі жылы республикалық бюджеттен 3,0 млрд. теңге бөлінеді деп күтілуде.Бұдан өзге, химия паркі,  «ЕвроХим - Удобрения» ЖШС-нің жобасы аясында 4-индустриалды аймақ құру жоспарлануда.