Елбасы мен халықтың қол жеткізген жеңісі мен жемісі – әлем назарында-ұстаз

13 Қараша, 2014 19:23

Елбасымыздың Мәңгілік елді басты бағдар етіп, тәуелсіздігіміздің даму жолын «Нұрлы жолға» айналдыруы бірлігі жарасқан еліміздің қажырлы еңбегінің арқасында қол жеткізген көрсеткіші екені анық. Елбасы мен халықтың қол жеткізген жеңісі мен жемісі – әлем назарында, деді Strategy2050.kz ақпараттық агенттігіне берген сұхбатында Сарыкемер орта мектебінің тарих пәнінің мұғалімі Анара Бесбаева.

«Елбасының Қазақстан халқына Жолдауы - бізге, ел жұртшылығы үшін қашан да маңызды оқиға. 2050 жылы Тәуелсіз еліміз дүниежүзіндегі экономикасы дамыған 30 елдің қатарына қосылмақ. Бұған мен кәміл сенемін. Күні кеше жолданған жолдаудың өзі де осының айқын дәлелі. Себебі, ол мемлекет дамуының негізгі бағыттары мен міндеттерін анықтайтын стратегиялық маңызды құжат болып табылады. Мемлекет басшысы Жолдауда атап өткен барлық дүние елдің көкейінде жүрген мәселелер еді», - деді ол.

Әсіресе, әлеуметтік саясаттың жаңа қағидаттары, білім беру жүйесіндегі оң өзгерістердің жүзеге асырылуы, яғни балабақшаның жетіспеушілігіне байланысты алдыңғы 2017 жылға дейін мектепке дейінгі мекемелердің көбеюінің қолға алынуы, аппатты жағдайда тұрған мекемелердің қайтадан қалпына келтірілуі сондай-ақ, Елбасымыз еліміздің даму перспективаларына жасаған өзіндік пайымдауын да жария етті.

«Осы жетістікке жетуге барлық жағдай жасалған. Елбасымыздың жолдаған жолдауындағы әлеуметтік инфрақұрылым саласындағы жұмыстарға бағытталған жолдауына көңілім толады. Біздің ендігі міндетіміз бағдарламада көрсетілген мақсат-міндеттерді жете түсініп, Елбасы жүктеген міндеттерді орындау мақсатында жұмыла еңбек ету. Осыған орай, жолдаудың жүзеге асырылу міндеті жергілікті әкімшілік тарапынан да қолдау табатынына сенімдімін», - деді ол.

Барлық жаңалықтар