«Нұрлы жолдың» уақытында және сапалы орындалуы – біздің басты міндетіміз – Байшаханов

Солардың қатарында 2020 жылға дейінгі мерзімде республикамызда тұрғын үй-коммуналдық шаруашылық инфрақұрылымын жетілдіру мәселесінің толықтай шешімін табатындығы айтылған.

««Бүгінде елімізде тұрғын үй-коммуналдық шаруашылық инфрақұрылымының қаншалықты тозғанын баршамыз білеміз. Инвестицияға деген жалпы қажеттілік 2 трлн.теңгеден кем емес. Жыл сайын бұл мақсаттарға барлық қаржыландыру көздері арқылы 200 млрд.теңгеден кем емес қаражат бөлінеді»,-делінген жолдар бар Жолдауда.Егер көрсетілген көлемде қаржы бөлінсе, 2020 жылға дейін бұл мәселенің толықтай шешімін табатындығын алға тартқан. Жоспарланған жұмыстардың жобасын жүзеге асырып, ТКШ кешенін жаңғыртуға Еуропалық қайта құру және даму банкі, Азия даму банкі, Ислам даму банкі, сондай-ақ, жекелеген кәсіпкерлер үлкен қызығушылық пен мүдделілік танытуда», - деді ол.

Ұзақ мерзімді инвестициялық тарифтерді ұсыну арқылы оларды барынша тартуды қамтамасыз ету қажет. Тарифтердің елеулі көлемде артуына жол бермеу үшін осындай жобаларға мемлекеттің қосымша қаржыландыруы керек. Осыған байланысты жылу және сумен қамтамасыз ету желілерін жаңғырту қарқынын үдетуге бюджеттен қарастырылғаннан бөлек жыл сайын 100 млрд.теңге сомасында инвестиция бағыттау тиімді болады. Мұны да Мемлекет басшысы өз Жолдауында атап көрсеткен, деді ол.

«Сонымен бірге, келешектегі өсіп-өркендеуіміздің бағыт-бағдарын белгілеген бұл құжатта жекелеген өңірлерде жаңа индустриалды аймақтардың құрылысын да қоса қабат жүргізу жайы қарастырылған. Мұның өзі отандық өндірісті дамытуға, шағын және орта бизнесті нығайтуға, қосымша инвестицияларды тартуға негізделеді. Осы ретте біздің облысымызда да жоспарға енгізілген жобалар баршылық. Алда тұрған міндет–солардың уақтылы және сапалы орындалысына қол жеткізу. Жолдау жүктеген тапсырманың басты талабы да – сол», - деді ол.