• Басты
  • Е.Тоғжанов: Мемлекеттің басқару корпусының 50%-ы әйелдер

Е.Тоғжанов: Мемлекеттің басқару корпусының 50%-ы әйелдер

13 Қараша, 2014 16:30
Мемлекеттің басқару корпусының 50%-ын әйелдер құрайды, деп мәлімдеді бүгін ҚХА Хатшылығының меңгерушісі, төраға орынбасары Ералы Тоғжанов Астанадағы ҚХА жанындағы Аналар кеңесінің бірінші республикалық форумында.

«Статистика бойынша елімізде білім беру саласындағы қызметкерлердің 65%-ы, медицина қызметкерлері мен құқық саласы қызметкерлерінің 75%-ы, мемлекеттік басқару корпусы қызметкерлерінің 50%-ын әйелдер құрайды. Күні кеше ғана тәуелсіз Қазақстан тарихында алғаш рет Мемлекеттік хатшы лауазымына әйел адамның сайлануымен құттықтаймын. Ол бәрімізге етене жақын Гүлшара Наушайқызы. Менің ойымша, Президентіміздің осынау шешімі барша нәзік жандылар үшін үлкен жетістік. Барлығыңызға сәттілік тілеймін», - дейді ҚХА Хатшылығының меңгерушісі, төраға орынбасары Ералы Тоғжанов.

Сонымен қатар Ералы Тоғжанов ҚХА жанынағы Аналар кеңесі жұмысының маңыздылығы мен аналардың рухани және адамгершілік тәрбиесі арқылы қоғамдағы келісімді нығайтудағы рөлін атады.

Айта кету керек, Қазақстанның әр өңірінде облыстық, аудандық және ауылдық деңгейде Қазақстан халқы Ассамблеясы жанындағы отбасындағы толеранттылықты сақтау бойынша 210 Аналар кеңесі қызмет етеді. Облыстық маңызы бар кеңес құрамына 335 мүше кіреді. Олардың көпшілігі үкіметтік емес сектор өкілдігінің этномәдени бірлестіктерінің жетекшілері, мәдениет және білім беру қызметкерлері, әйелдер қоғамдық бірлестігінің белсенділері болып табылады. Осынау кеңестер арқылы жалпы саны 180 шара ұйымдастырылды.

Индира Қауметова

Барлық жаңалықтар