Қазығұрт ауданында әлеуметтік нысандар құрылысына 3488,4 млн теңге бөлінді

«Қомақты қаржыға 6 мектептің, 7 медициналық пунктің, мәдениет үйлері мен балабақшалардың, жатахана мен 27 ІҚМ қолдан ұрықтандыру пунктерінің құрылысы жүргізілді», - делінген хабарламада.

Қазығұрт ауданының әкімі Болатбек Қыстауовтың айтуынша, аудандағы 64 елдімекеннің 42 ауызсумен қамтамасыз ету жүйесімен қамтылған. Аудандық бюджет есебінен 4 ауылдың сумен қамтамасыз ету жүйесіне жөндеу жұмыстары жүргізілді. Ал, 13 ауылда жерасты суын анықтау бойынша зерттеу жүргізілуде.

Бұдан басқа, 11 елдімекен көгілдір отынмен қамтылған. Ағымдағы жылы 31 ауылға газ тарту жұмыстары жүргізілді.