Жоғары Еуразиялық экономикалық кеңес отырысы аясында Серік Ахметов Ресей және Қырғызстан елдерінің Үкімет басшыларымен кездесті

Ресейлік әріптесімен кездесу барысында С. Ахметов «екі мемлекет арасындағы  ынтымақтастық жөнінен қарым-қатынасты күшейту» туралы айтып өтті.

Д.Медведев тараптардың байланысы қарқынды дамып келе жатқандығын атап өтті.

«Қазақстан мен Ресей арасындағы ынтымақтастық жедел түрде дамуда», - деді РФ Үкімет басшысы.

Шара барысында сауда-экономикалық саланың өзекті сұрақтары талқыланды. Атап айтсақ, көлік саласындағы біріккен жобалардың жағдайы қарастырылды.

Жиында Қырғызстанның Премьер – Министрі Жанторо Сатыбалдиев қазақ-қырғыз қарым-қатынасының нығаюын дамытуды атап өтті.  

«2012 жылы сауда-экономикалық айналымның  ауқымы миллиард доллардан асып түскен», - деп С. Ахметов атап өтті.

Өз кезегінде Ж. Сатыбалдиев мемлекет аралық ынтымақтастықты белсенді жүзеге асыруды қолдайтынын нақтылады.