Жаңа экономикалық саясат Қордай ауданының әлеуметтік-экономикалық дамуына оң әсер етеді – Есполов
13 Қараша, 2014 13:31
Қазақстан Республикасының Президенті Нұрсұлтан Әбішұлы Назарбаевтың 2014 жылдың 11 қарашасында Қазақстан халқына «Нұрлы жол-болашаққа бастар жол» атты Жолдауы ауданымыздың әлеуметтік-экономикалық дамуына оңды әсерін тигізетіні сөзсіз, деді Strategy2050.kz ақпараттық агенттігіне берген сұхбатында Қордай ауданы әкімдігінің экономика және бюджеттік жоспарлау бөлімінің басшысы Азамат Есполов.
«Ауданымыз арқылы өтіп жатқан «Батыс Қытай-Батыс Еуропа» автодәлізі құрылысының мерзімінде аяқталуы, шағын және орта бизнес субъектілерінің жеңілдетілген несие алу мүмкіншілігің артуы, үш аусымды және апатты жағдайдағы мектептердің проблемаларының шешілуі, мектепке дейінгі мекемелерде орындар тапшылығының түбегейлі қысқаруы, барлық салалардың инфрақұрылымдарын дамыту бойынша берілген тапсырмалардың жүзеге асуы аудан тұрғындарының әл-әуқатын арттырып, жұмыссыздық деңгейін әлдеқайда азайтатын болады», - деді ол.
Халыққа әлеуметтік жалдамалы баспананы несиеге төмен пайызбен ұсынып, баспанасыз азаматтардың саны азаяды.
