Қарағанды облысында электр энергиясын үнемдеу үшін 1 млрд-тан астам теңге бөлінді

«2010 жылдан бастап 2013 жыл аралығында электрэнергияны үнемдеу шаралары үшін 54,6 млрд теңге бөлінді, оның ішінде 5,4 млрд теңге бюджеттік және коммуналды салаға жіберілсе, 49,2 млрд теңгесі өндірістік кәсіпорын секторына жұмсалды», - деді Сергей Касимов.

Осы кезеңде электр энергияны үнемдеу 573,3 млн теңгені, жылу энергиясы - 315,7 млн теңгені және суық су  155,1 млн теңені құрады. 

«Ағымдағы жылы электр энергияны үнемдеу шаралары үшін облыстық бюджеттен 1 млрд теңгеден астам қаржы бөлінді. Ғимарат ішінде электр энергияны үнемдейтін шамдарды, автоматтандырылған жылу пунктерін, электр энергияны үнемдейтін жарық шамдарды орнату сияқты бірқатар жұмыстар жүргзілді», - деп атап өтті ол.

Оның айтуынша, нысандардың энергетикалық аудиті, ғимараттардың алдыңғы қабатын терможаңғырту жұмыстары жүргізілді. Осы және өзгеде шаралар 50 млн бюджеттік қаржыны үнемдеуге мүмкіндік берді.

Айта кетерлік жайт, электр энергияны үнемдеу кешендік жоспарының шараларын шағын және орта бизнес субъектілеріде жүргізуде. Сонымен қатар, көпқабатты үйлерге жалпы жылу есептегіш құралын орнату жұмыстары жалғасуда. Бүгінгі таңда 3075 тұрғын үйге жалпы жылу есептегіш құралы орнатылды.

«Бірде бір жоба электр энергиясын үнемдейтін заманауи құрылғысыз іске қосылмауы керек. Бұл экономиканың барлық салаларына қатысты», - деді облыс әкімі  Нұрмұхамбет Әбдібеков.