• Басты
  • ІІМ қысқы кезеңде ТЖ-ны жоюға бағытталған дайындық деңгейін тексерді
13 Қараша, 2014 16:52

ІІМ қысқы кезеңде ТЖ-ны жоюға бағытталған дайындық деңгейін тексерді

Қазақстан Республикасы Ішкі істер министрлігі «Қыс 2014» республикалық командалық-штабтық оқу-жаттығу өткізуде, деп хабарлады ТЖ комитеті.
ІІМ  қысқы кезеңде ТЖ-ны жоюға бағытталған  дайындық деңгейін тексерді

«Азаматтардың қауіпсіздігін және жеке облыстың төтенше жағдайларға жедел ден қоюға әзірлікті қамтамасыз ету үшін ҚР ІІМ ТЖ комитеті Батыс Қазақстан облысындағы қыс мезгіліне дайындалу бойынша практикалық жұмысқа зерделеу жүргізуде. Ауқымды сипаты бар «Қыс 2014» республикалық оқу-жаттығу барысында қыс мезгіліндегі төтенше жағдайларға ден қоюдың барлық жүйесі күштері мен құралдарының әзірлігін тексеру, ТЖ-ны жою кезіндегі өзара іс-әрекетті пысықтау жоспарлануда», - делінген хабарламада.

Оқу-жаттығуға орталық және жергілікті атқарушы органдар, оның ішінде облыстар, Астана және Алматы қалалары төтенше жағдайлардың алдын алу және оларды жою жөніндегі комиссиялар, Қазақстан Республикасы Ішкі істер министрлігінің аумақтық органдары, ведомстволық бағынысты ұйымдары қатысады.  

Оқу-жаттығудың негізгі мақсаттары - қысқы кезең жағдайындағы төтенше жағдайларды жоюға азаматтық қорғау мемлекеттік жүйесі және халықтың әзірлігі мен қабілет деңгейін арттыру; көлік магистральдары мен тыныс-тіршілікті қамтамасыз ету объектілерінің жұмыс істеуі бұзылған жағдайда орталық және жергілікті атқарушы органдардың өздеріне бағынысты күштерді басқару бойынша жұмысында үйлесімділікті жетілдіру; қысқы кезеңдегі ТЖ жою үшін құрылған азаматтық қорғаудың авариялық-құтқару қызметтері мен құралымдары санын, құрамын, мақсатқа сай болуын және іс-қимылдарға әзірлігін, сондай-ақ материалдық-техникалық ресурстар қорларының, энергиямен жабдықтаудың резерв көздерінің бары және жай-күйін тексеру.

Оқу-жаттығуға дейін қыс мезгіліне дайындық бойынша ауқымды жұмыс жүргізілді.

Сонымен қатар оқу-жаттығуға дайындық кезінде автожолдарда болжамды қар борасыны орындарында халықты жылыту пункттерінің қажетті саны дайындалды, қысылтаяң жағдайлар, штабтық жаттығулар кезіндегі іс-әрекеттерге оқыту ұйымдарында, оқу орындарында сабақтар өтті. Дүлей зілзалалар орын алған аудандарда қалған адамдарды іздеу, оларды уақытша орналастыру аудандарына эвакуациялау, алғашқы дәрігерге дейінгі көмек көрсету әзірлігі тексеріледі. 

«Қыс-2014» РКШОЖ аясында республика бойынша қысқы кезең жағдайында төтенше жағдайларды жою кезіндегі іс-қимылдарды пысықтау бойынша тактикалық-арнайы жаттықтырулар өтеді.

 

Барлық жаңалықтар