Г.Әбдіқалықова мемлекеттік наградалар жөніндегі комиссияның отырысын өткізді
12 Қараша, 2014 14:36
ҚР Мемлекеттік хатшысы Гүлшара Әбдіқалықованың төрағалығымен Қазақстан Республикасы Президенті жанындағы мемлекеттік наградалар жөніндегі комиссияның отырысы өтті, деп хабарлады Ақорданың баспасөз қызметі.
«Комиссия отырысында азаматтарды Қазақстан Республикасы мемлекеттік наградаларымен марапаттау жөнінде мемлекеттік органдар мен қоғамдық бірлестіктерден келіп түскен, Мемлекет басшысына ұсынылатын ұсыныстар қаралды», - делінген хабарламада.
Қалыптасқан дәстүр бойынша мемлекеттік наградалармен марапаттау рәсімі Тәуелсіздік Күні қарсаңында өткізіледі.
