З. Бернеева: Президенттің Жолдауы - қазақстандықтар үшін әрекет ету алгоритмі

2015 жылға арналған Президенттің Қазақстан халқына Жолдауы - ол «Нұрлы Жол» Қазақстанның жаңа экономикалық саясаты  экономикамыздағы құрылымдық реформаларды жалғастыруға бағытталған. З. Бернееваның айтуынша, бұл әлемдік геосаяси дағдарыс кезіндегі заманауи қадам. Ол Жолдауда міндеттер және оларды шешу жолдарымен көрсетілген. Елбасы өз халқын қаржылай-экономикалық дағдарыстан қорғап қалғысы келеді, азаматтарының ертеңгі күнге деген сенімін нығайтып, әлемдік қауымдастыққа Қазақстан дамыған 30 елдің қатыранда екенін көрсеткісі келеді

«Нұрсұлтан Назарбаевтың Жолдауымен таныса отырып, мына жайттар мені қатты куантты. Мемлекет басшысы мектепке дейінгі мекемелерде орын тапшылығын жою үшін 20 млрд теңге бөлуді тапсырды және бизнесті несиелендіру үшін қолайлы жағдай жасауды, яғни кәсіпкерлерге 6%-бен 10 жылға несие беруді міндеттеді. Мұндай тиімді шарттар бұрын сонды елімізде болған емес», - деп атап өтті ол.

Этномәдени бірлестік төрағасының айтуынша, бұл өз алдыңа жеке іс ашуда үлкен серпін береді.

«Бұдан басқа көлік жүйесін дамыту мәселесі де қатты қуантты. Өңіріміздің елордасынан алыс орналасқанына байланысты бұл алшақтықты, міндеттің маңыздылығын  қатты сезінеміз. Айта кетерлік жайт, Елбасы экономиканы көтеру, денсаулық сақтау саласын дамыту, жұмысқа орналастыру, сыбайлас жемқорлықпен күрес, дуалды білім беру сынды күрделі мәселелерді көтере отырып, этносаралық келісімді нығайту тақырыбын естен еш шығарған емес», - деді З. Бернеева.

«Келер 2015 жылды Елбасы Қазақстан халқы Ассамблеясының жылы деп жариялады. Осы ретте этномәдени бірлестіктер бірлесіп бірқатар ауқымды шараларды өткізуді жоспарлаудамыз. Олардың барлығы бірлігімізді, достығымыз бен ынтымақтастығымызды одан ары нығайтуға бағытталады. Себебі бірлесе отырып біз Отанымызды үлкен белестерге жетелейтін жетістіктерге жете аламыз», - деп түйді ол.