Астанада Сыбайлас жемқорлыққа қарсы іс-қимылдың 2015-2025 жылдарға арналған бағдарламасы қабылданды

«Партия заңнаманың сақталуын нақты ұстануы тиіс. Жалпы алғанда, Сыбайлас жемқорлыққа қарсы іс-қимылдың 2015-2025 жж. арналған Бағдарламасының жобасы әзірленген және оны бекітуге болады. Қарсы пікірлер болмаса бұл шешімді дауыс беруге қоямын. Десек те, құжатты Үкімет тағы да бір қарап шығуы тиіс. Бұл жұмысты Үкіметпен, тиісті агенттікпен, Президент Әкімшілігімен бірге атқару керек», - деді сөз басында Мемлекет басшысы.

«Нұр Отан» партиясының Саяси кеңесі бір ауыздан шешімді қолдады. Елбасы бір айдың ішінде Саяси кеңес бюросының мақұлдауына құжатты енгізуді тапсырды.

Аталмыш бағдарлама 36 индикатордан тұрады. Олар 2025 жылға дейін халықтың құқықтық сауаттылығын 60%-ға дейін көтеру, 2015 жылдан бастап ШОБ субъектілерін жою тәсілін жеңілдету және т. б.

Естеріңізге сала кетейік, 2014 жылдың 8 шілдесінде Нұр Отан партиясы Сыбайлас жемқорлыққа қарсы іс-қимылдың 2015-2025 жж. арналған бағдарламасы жобасын жариялады. Кез-келген қалаған жан онымен танысып, оған қатысты пікірін электрондымекнежайға жіере алатын. 2014 жылдың 10 қарашасындағы жағдай бойынша Бағдарлама жобасы бойынша партия мүшелерінен 900-ден астам ұсыныс пен қосымшалар берілді. Нәтижесінде Бағдарлама жобасы 40%-ға өзгертілді.

Индира Кауметова