• Басты
  • Ақтөбеде Қызылорда облысының мәдениет күндері басталды

Ақтөбеде Қызылорда облысының мәдениет күндері басталды

11 Қараша, 2014 19:37
Ақтөбеде Қызылорда облысының мәдениет күндері басталды, деп хабарлады облыстың ішкі саясат басқармасы.

«Қызылорда облысының мәдениет күндері облыстық өнер мұражайында «Шежірелі сыр елі» этнографиялық көрмесімен ашылды. Онда Қызылорда аймағындағы қазба жұмыстары кезінде табылған ұлттық әшекейлер, аспаптар, ыдыстар, қару-жарақтар қойылды. Мұнда жұртшылық назарына барлығы шамамен 180 экспонат  ұсынылған», - делінген хабарламада.

Ал облыстық драма театрында Қызылорданың шығармашылық иелерінің   «Сыр - Алаштың анасы» атты гала-концерті өтті. 

Сондай-ақ, ертең қызылордалық өнер шеберлері облыстың Әйтеке би және Ырғыз аудандарына барып, есеп беру концертерін қояды.

 

Барлық жаңалықтар