• Басты
  • «Нұрлы Жол» Қазақстанның жасампаз және белсенді жастарын қалыптастырады – Президент
11 Қараша, 2014 15:58

«Нұрлы Жол» Қазақстанның жасампаз және белсенді жастарын қалыптастырады – Президент

Қазақстанның жаңа экономикалық «Нұрлы Жол» саясаты – Қазақстанның жасампаз және белсенді жастарын қалыптастыратын жол, деп мәлімдеді бүгін «Нұр Отан» партиясы Саяси кеңесінің кеңейтілген отырысында ҚР Президенті.
«Нұрлы Жол» Қазақстанның жасампаз және белсенді жастарын қалыптастырады – Президент

«Мемлекет жастарға білім алу мен жұмыс істеуге барлық мүмкіндікті беріп отыр. Қазақстанның жаңа экономикалық «Нұрлы Жол» саясаты – Қазақстанның жасампаз және белсенді жастарын қалыптастыратын жол, осы арқылы әркім өзінің өмірдегі орнын табады», - деді Елбасы.

Сонымен қатар, Елбасының айтуынша, жастар елдің дамуына өзіндік үлес қосып, өздерін де жетілдіре түсуі керек.

«Келешектің кілті жастардың қолында екенін әрдайым айтып келемін. Олардың қолда бар игіліктерінің оңайлықпен келмегенін түсіндіруіміз керек. Қазақстан посткеңестік елдерді былай қойғанда Шығыс Еуропа мен Азия елдерінің арасынан да жеке дара шығып келе жатыр. Осынау жетістік біздің толқынның ерен еңбегінің арқасында келіп, енді осы эстафетаны келешек ұрпақ өз қолына алуы керек», - дейді Н. Назарбаев.

Мемлекет басшысының сонымен қатар келер жылы Қазақстан Конституциясы  мен Қазақстан халқы Ассамблеясының 20 жылдығын атап өтетінін еске салды.

«Осынау мерейтой қарсаңында қазақстандықтардың бір жеңнен қол, бір жағадан бас шығарып, бірлесе жұмыс істеуі керек. Мен осы орайда «Қазақстан тек қана алға!» деген терең қағиданыың жаңа дәуірде естілетініне сенімдімін», - дейді Елбасы.

Индира Қауметова

Барлық жаңалықтар