Жаңа экономикалық саясаттың негізі «Нұрлы жол» инфрақұрылымдық дамыту жоспары болады
11 Қараша, 2014 15:27
Қазақстанның жаңа экономикалық саясатының «Нұрлы жол» инфрақұрылымдық даму жоспары 5 жылға есептелген және елдің индустриялды-инновациялық дамудың екінші бесжылдығымен сәйкес келеді, деп мәлімдеді бүгін ҚР Президенті «Нұр Отан» партиясы Саяси кеңесінің кеңейтілген отырысында.
«Экономиканы дамыту, іскерлік белсенділік пен жұмыспен қамтуға қарқын беру үшін жаңа бастамалар керек. Жаңа экономикалық саясаттың негізі бүгін жарияланғалы отырған инфрақұрылымдық даму жоспары болмақ. Ол 5 жылға есептелген және елдің индустриялды-инновациялық дамудың екінші бесжылдығымен сәйкес келеді», - деді Мемлекет басшысы.
Сонымен қатар, Н.Назарбаевтың айтуынша, ҮИИД МБ-2 іске асыруға 100 шақты шет ел қатысуға ниетті.
«Исекешев (Әсет Исекешев – ҚР инвестиция және даму министрі) олармен келіссөз жүргізді. Енді жалпы инвестициялық портфельді 6 трлн теңге көлемінде, ал мемлекеттің мұндағы үлесі 15 пайыз шамасында болады деп күтіп отырмыз», - дейді Елбасы.
Индира Қауметова
