Тунистегі форумда Қазақстан су-энерготиімділік технологиясын енгізу тәжірибесін таныстырды (ФОТО)

11 Қараша, 2014 11:04

Тунистегі V Халықаралық «Энерготиімділік және мемлекеттің тұрақты дамуы» форумында Ақмола облысынан «Ақбота» ҚБ директоры Татьяна Немцан су-энерготиімді технологиясы мен тәжірибесін кешенді енгізу дағдысын таныстырды, деп хабарлайды «Ақмола Медиа Орталығы».

Таныстырылым әкімшілік құрылымдармен және халықпен кешенді жұмысты «жасыл» ілгерілету идеологиясын тарату бойынша нәтижесі әдістер мәселелерін талқылау аясында өтті.

Хабарламада айтылғандай, Форум қатысушылары Қазақстан Республикасының ЭКСПО-2017 көрмесін өткізуге дайындығындағы баламалы «жасыл» энергияны ілгерілетудің басым бағыттары туралы ақпаратқа қызығушылық танытты.

«Шараға қатысушылар Қазақстанның климаттық өзгеруі шарттарындағы энерготиімді жарықдиодты жарықтандыру, әлеуметтік нысандар жұмысына арналған күн қуатын пайдалану, пиролизді жылыту, тамшылатып суару технологиясын тарату, энерготиімлі әдістер мен тәжірибелерді ілгерілету бойынша өзара желілік байланысты іске асыру бойынша «Ақбота» ҚБ тәжірибесі туралы сауалдарын қойды», - делінген хабарламада.

Сонымен қатар, Франция, Македония, Сербия, Босния мен Герцеговина, Германия, Африка мемлекеттері, Азия елдері ҚР-да «жасыл» бизнесті дамытуға бағытталған инвестициялық жобаларға қатысуға мүдделі екендіктерін білдіріп отыр. Сонымен қатар, өз елдерінде әлеумет пен әкімшілік құрылымдармен жұмысты ілгерілету мен жобаларды модельдеуге баулу жұмыстарына арналған «Ақбота» қоғамдық бірлестігінің желілік жобалары мамандарын шақырды.

Форумға әлемнің 50-ден астам елі қатысты.

Барлық жаңалықтар