• Басты
  • Қ.Асылов: Біздің даму бағытымыз – «Мәңгілік ел» идеясының жүзеге асырылуы
11 Қараша, 2014 09:17

Қ.Асылов: Біздің даму бағытымыз – «Мәңгілік ел» идеясының жүзеге асырылуы

Мемлекет басшысы еліміздің даму бағытын айқындап берді. Бұл «Мәңгілік ел» ұлттық идеясының іске асырылуы, дейді ҚР Мәдениет және спорт министрлігі Тілдерді дамыту және қоғамдық-саяси жұмыстар комитеті төрағасының орынбасары Қ.Асылов республикалық ақпараттық топтың Алматы қаласы жастарымен өткен кездесуінде.
Қ.Асылов: Біздің даму бағытымыз – «Мәңгілік ел» идеясының жүзеге асырылуы

«Республикалық ақпараттық топ мүшелерінің Алматы қаласы жастарымен өткен кездесуі ҚР Президенті Н.Ә.Назарбаевтың Қазақстан халқына «Қазақстан жолы-2050: бір мақсат, бүр мүдде, бір болашақ» Жолдауын түсіндіру бойынша ақпараттық топ жұмысы аясында өтті», - деп хабарлайды министрлік.

Ведомствоның хабарлауынша, жастар аудиториясы алдында сөз алған Қ.Асылов Мемлекет басшысы туралы айта отырып, соның арқасында Қазақстанның осы деңгейге жеткенін тілге тиек етті. Оған дәлел бүгінгі таңдағы еліміздегі экономика, өнеркәсіп, денсаулық сақтау, білім беру мен әлеуметтік салалардың алға ілгерілеуі.

Әлемдегі ең дамыған 30 елдің қатарына ену Қазақстанның алдына жаңа мақсаттар мен міндеттер қояды. Сонымен қатар, барша қазақстандықтарды осы жолда еңбектенуге шақырады.

«Мемлекет басшысы біздің даму бағытымызды нақты айқындап берді. Ол «Мәңгілік ел» ұлттық идеясын іске асыру. Сонымен қатар осы жолда инновациялық индустрияландыру, агроөнеркәсіп кешенге инновациялық технологияларды енгізу, ғылымиланған экономика енгізу, қазақстандық ғылымның әлеуетін арттыру, инфрақұрылымды дамыту, агломерация, көлік, энергетика, шағын және орта бизнестің бойына қан жүгірту», - дейді спикер.

Сөз соңында Қазақстан тәуелсіздігін нығайта түсетін «Мәңгілік ел» ұлттық идеясы туралы айтылып, көршілес елдермен тату-тәтті қатынас құру, ұлттық бірлікті нығайту, қоғамда бейбітшілік пен келісімнің тұрақтауына жағдай жасау, индустрияландыру мен инновация негізінде экономикалық даму мен Жалпыға Ортақ Еңбек қоғамын құру сөз болды.  

Мәдениет және ақпарат министрлігінің хабарлауынша, жастармен мұндай келісімнің ұйымдастырылуы үлкен мәнге ие. Өйткені Жолдаудың өзінде Елбасы елдің болашағы жастардың қолында екенін айтып, 2050 жылға дейінгі Қазақстанның даму жолындағы қосар үлесіне тоқталды.

Кездесуге қатысушылар Президент Жолдауынан әрбір қазақстандықтың көкейіндегі сауалдарға жауап ала алатынын айтысты.

Барлық жаңалықтар