Н.Назарбаев КО арқылы ветеринарлық-санитариялық бақылау функцияларын мемлекеттік кіріс органдарына беру туралы заңға қол қойды
10 Қараша, 2014 16:36
Мемлекет басшысы «Қазақстан Республикасының кейбір заңнамалық актілеріне Кеден одағының кедендік шекарасы арқылы автомбиль өткізу пункттерінде ветеринарлық-санитариялық бақылау және өсімдіктер карантині бойынша бақылау функцияларын мемлекеттік кіріс органдарына беру мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
Ақорданың баспасөз қызметі хабарлағандай, Заң кедендік реттеуді жақсартуға, сыртқы экономикалық қызметке қатысушылар үшін әкімшілік кедергілерді жоюға және тауарлар мен көлік құралдарының өткізу пункттері арқылы өтуін жылдамдатуға бағытталған.
Заң мәтіні баспасөзде жарияланады.
