Мәскеуде ТМД елдерінің көпжақты қорғаныс ынтымақтастығы талқыланады
10 Қараша, 2014 17:49
ҚР Қорғаныс министрі Иманғали Тасмағамбетов 2014 жылдың 11 қарашасында Мәскеуде өтетін Тәуелсіз Мемлекеттер Достастығына қатысушы елдер Қорғаныс министрлері кеңесінің отырысына қатысады, деп хабарлады қорғаныс министрлігі.
«Күн тәртібіне сәйкес отырысқа қатысушылар Достастыққа мүше елдер қорғаныс ведомстволарының көпжақты әріптестік ынтымақтастығының түрлі бағыттары бойынша 20-дан астам мәселені талқылайтын болады», - делінген хабарламада.
Бұдан басқа, Қазақстан Қорғаныс министрі ТМД-ға қатысушы елдердің қорғаныс министрлерімен екіжақты кездесулер өткізеді.
