• Басты
  • БҒМ 2019 жылы студенттердің іс-тәжірибеден тегін өтуін қамтамасыз етеді

БҒМ 2019 жылы студенттердің іс-тәжірибеден тегін өтуін қамтамасыз етеді

10 Қараша, 2014 16:07
Мәжілістің әлеуметтік-мәдени даму комитетінде «Қазақстан Республикасының білім беру мәселелері бойынша кейбір заңнамалық актілерге өзгертулер енгізу» Заңы таныстырылды.

«Стандарттарға сәйкес, тұңғыш кәсіптік және техникалық білім беруді тегін жүзеге асыру қарастырылуда. Біз заңнамалық тұрғыда тәжірибені тегін ұйымдастыруды бекіткіміз келеді. Студенттер іс-тәжірибеден білім министрлігіне бағынбайтын дербес ұйымдардан да өте алады. Біздің мақсатымыз бұл норманы қамтамасыз етеді», - деді білім және ғылым вице-министрі Т.Балықбаев.

Ол атап өткендей, бүгінгі таңда түлектердің 25-30 мыңы жоғары оқу орнына немесе техникумға түспейді. «Біз бюджет аясында бұл норманы күшіне 2019 жылдың 1 қыркүйегінен күшке ендіруді жоспарлап отырмыз», - деді ол.

Оның айтуынша, кәсіптік және техникалық білім берудің  40-60 пайызы кәсіпорындарда өтеді. «Комиссия кәсіпорындардың кеңейтілген тізімін ұсынады», - деді ол.Айта кетейік, заң жобасы студенттердің оқу өндірістік тәжірибені міндетті түрде өтуін қадағалайтын болады.

«Дуальды оқыту» түсінігі де қосымша болады, ол жұмыс берушінің жауапкершілігі мен оқу мекемесінің кадрды дайындау үрдісіне аса ынтамен қарағанын талап етеді.

Айта кетейік, заң жобасы үш заңнамалық акті – Еңбек кодексі, білім беру туралы заң, арнайы мемлекеттік органдар туралы заңға өзгертулер енгізуді қарастырады. Заң жобасы білім беру жүйесін жетілдіруге бағытталған.

Камила Амирова

Барлық жаңалықтар