Павлодарда «Ең үздік жыл психологі» Республикалық конкурсы өтті

Білім және ғылым министрлігінде хабарлағандай, Қазақстанның бүкіл өңірлерінен: Шығыс Қазақстан, Батыс Қазақстан,Оңтүстік Қазақстан, Солтүстік Қазақстан, Ақмола, Алматы, Жамбыл облыстарынан  және Ақтөбе, Атырау, Қарағанды, Маңғыстау, Алматы, Қостанай, Қызылорда, Астана, Павлодар қалаларынан Республикалық конкурсқа 60 психолог қатысты.

«Конкурсқа қатысушылар еңбек өтіліне байланысты 3 топқа бөлінеді: 3 жылға дейін,  3 - 7 жылға дейін,  7 - жылдан астам еңбек өтілі бар. Конкурста психологтар берілген тақырыпқа эссе, «Самопрезентация» өз шығармаларын ұсынды, музыка, театрландырылған көрініс, поэзия, сурет, өнер арқылы өзі туралы шынайы әңгіме құрастырды, психологиялық-педагогикалық жағдайларды шешті, «Менің кәсіби шығармашылығым» монологын оқыды», - делінген хабарламада.

Конкурс психологтардың кәсіптік деңгейін көтеру, шығармашылық әлеуетін іске асыру, психологиялық  практикалық білім алу қызметін дамыту, отандық білім берудің  бәсекелістігін,  тиімділігін,  гуманистік бағытын арттыруға ықпал ететін психологиялық білім алуды білім беру қызметінің құрамдас бөлігі ретінде насихаттауға бағытталған.