ҚР-дағы қолөнершілер байқауына мүмкіндігі шектеулі жандар қатысуда

«Ақмола медиа орталығы» хабарлағандай, «Мемлекеттік саясаттың дамуы» ҚҚ ҚР мәдениет және спорт министрлігінің тапсырысымен «Астана Expo-2017 халықаралық мамандандырылған көрменің имидждік кәдесыйларының үлгісін дайындау» республикалық байқауын ұйымдастырды.

Байқаудың мақсаты: Қазақстандағы қолөнер өндірісін мүгедек жандарды тарту арқылы  дамыту, қолдау көрсету. Қоғамның мүгедектік проблемасына назарын аудару, кембағал жандардың әлеуметтік бейімделуіне әсер ету және олардың ішіндегі таланттыларды анықтау.

Аталып өткендей, дүбірлі дода үш кезеңнен тұрады: өтніштерді қабылдау, қатысушылардың өнімдерін қабылдау және шешуші кезең - байқаудың жеңімпазын анықтап, марапаттау.

Сайыста өнімдер мына номинациялар бойынша ұсынылады:  «Дарынды бастау», «Жоғарғы шеберлік», «Ұлттық мәдени бренд», «Эко-дизайн», «Мұрагер», «Ұлттық Қазақ кәдесыйы».

Хабарланғандай, жүзден жүйрікті марапаттау ағымдағы жылдың 24 қарашасында өтеді.