• Басты
  • Павлодар облысында азаматтардың сотқа шағым түсіру көрсеткіші төмендеді
10 Қараша, 2014 09:32

Павлодар облысында азаматтардың сотқа шағым түсіру көрсеткіші төмендеді

Павлодар облысында азаматтар мен заңды тұлғалардың атынан судьялардың әрекеттеріне шағымның елеулі түрде төмендегені байқалады, деп хабарлады Жоғарғы сот.
Павлодар облысында  азаматтардың  сотқа шағым түсіру көрсеткіші төмендеді

«Павлодар облыстық сотында 2014 жылдың 10 айда атқарған жұмыстарының қорытындылары бойынша облыс соттары судьяларының кеңейтілген мәжілісі болып өтті.Кеңейтілген отырыстың жұмысына Павлодар облыстық сотының төрағасы Ә.Б.Қаженов, аппеляциялық сот алқаларының төрағалары, аудандық және оған теңестірілген соттардың төрағалары мен судьялары қатысты», - делінген хабарламада.

Азаматтар мен заңды тұлғалардың атынан судьялардың әрекеттеріне шағымның елеулі түрде төмендегені байқалады. Бұған судьялар этикасы жөніндегі комиссия жұмысынан хабардар еткен облыстық сот судьясы  А.Нұркиевтің баяндамасы дәлел. 

Инновациялық технологияларды сот процесіне енгізу жұмысы қарқынды дамуда. Оның қолданылуы туралы, аудио және бейне тіркеумен қаралған істер мен олардың саны жөнінде кеңсе басшысының орынбасары Д.Әбукенова сөз етті.

Барлық жаңалықтар