• Басты
  • Қазақстанның симфониялық оркестрінің Бразилиядағы гастрольдері басталды

Қазақстанның симфониялық оркестрінің Бразилиядағы гастрольдері басталды

9 Қараша, 2014 15:22
Қазақстан Республикасының Бразилиядағы Елшілігінің, Қазақстан Республикасының Мәдениет министрлігі, сондай-ақ бразилилиялық «Dell'Arte» продюсерлік компаниясының қолдауымен Рио-де-Жанейро қаласында Қазақстан Республикасының Мемлекеттік академиялық симфониялық оркестрінің Бразилиядағы гастрольдері басталды, деп СІМ хабарлады.

«Оркестр бағдарламасында концерттердің өтуі Бразилия мен қоса Аргентинада да жоспарланған. Бұл іс-шаралардың басты мақсаты - Қазақстанның Бразилия және Аргентинамен мәдени байланыстарын одан әрі нығайту мен кеңейту, сондай-ақ бразилиялық пен аргентиналықтарға Қазақстанның мәдениеті мен өнерін насихаттап, кеңінен таныстыру», - делінген хабарламада. 

Айта кетерлік жайт, Рио-де-Жанейро қаласынан басқа концерттер Аргентинаның Буэнос-Айрес, Розария және Кордоба сияқты ірі қалаларында  өз жалғасын табады. Атап айтқанда, Буэнос-Айресте  концерт тек Латын Америкасында ғана емес, сондай-ақ бүкіл әлемге әйгілі «Колон» театрында өтеді.

Барлық жаңалықтар