• Басты
  • Өңірлік компаниялар ЭКСПО-2017 көрмесіне қатысуда бәсекеге қабілетті – ҰКП
7 Қараша, 2014 17:48

Өңірлік компаниялар ЭКСПО-2017 көрмесіне қатысуда бәсекеге қабілетті – ҰКП

Қарағанды облысы Ұлттық кәсіпкерлер палатасы директоры Мәдениет Божбаев ОКҚ көшпелі брифингінде өңірлік компаниялардың Халықаралық мамандандырылған ЭКСПО-2017 көрмесіне қатысуда бәсекеге қабілетті екенін айтты.
Өңірлік компаниялар ЭКСПО-2017 көрмесіне қатысуда бәсекеге қабілетті – ҰКП

«Бүгін біз ЭКСПО нысандары құрылысының  бас мердігерлері мен облыстың тауар өндірушілері арасындағы ынтымақтастық туралы келісімге қол қоюдың куәгері болып отырмыз. Бұл Мемлекет басшысының ұлттық жобаларды іске асырудағы өңірлік ерекшеліктерін ескере отырып ұлттық бизнестің қатысуына мүмкіндік жасау тапсырмасының орындалу көрсеткіші», - дейді.

Оның айтуынша, бүгін Ұлттық палатада шара жоспарын іске асырумен мақсатты түрде айналысатын салалық құрылыс материалдары өндірісі мен құрылыс комитеті жұмыс істеуде. Ұлттық палата нысандар құрылысы мен әлеуетті мердігерлер тізімін құруда отандық тауар, жұмыс пен қызмет тасымалы мүмкіндіктерін анықтауға қатысу жоспарын қабылдады.

Сонымен қатар, ЭКСПО-2017 халықаралық мамандандырылған көрмесін өткізу барысында сервистік қызмет көрсету үшін палата қонақ үй мен мейрамханалар ұсынатын шағын және орта кәсіпкерліктің қызмет сапасын арттыру шаралары жүргізілуде.

Барлық жаңалықтар
34.234.207.100, 192.168.88.100