• Басты
  • Г.Әбдіқалықова: Жергілікті білім беру органдарының жұмыстарын жүйелеу керек

Г.Әбдіқалықова: Жергілікті білім беру органдарының жұмыстарын жүйелеу керек

7 Қараша, 2014 16:19
Қазіргі таңда білім беру саласындағы құзіретті органдар жергілікті атқарушы органдар мен жұмыс берушілер қызметін жүйелеу керек, деп мәлімдеді бүгін ҚР Премьер-Министрінің орынбасары Гүлшара Әбдіқалықова Жамбыл облысына барған жұмыс сапарында.

«Мамандарды дайындау жүйесі экономика секторының нақты қажеттіліктеріне бағытталуы керек. Тиісінше, өңірлік деңгейдегі жүйе жергілікті еңбек нарығы мен экономиканың даму қажеттілігіне бағытталуы тиіс. Бұл дәлелді қажет етпейтін аксиома», - дейді Әбдіқалықова.

Осы орайда аталмыш мәселені шешу әдістері барлық тиісті тараптармен мұқият келісілуі керектігін айтты Үкімет басшысының орынбасары.

«Бұл мәселемен Маңғыстау облысы бетпе бет келіп, мұнай-газ саласы мамандарын дайындауды тоқтату туралы шешім Білім және ғылым министрлігінің пікірін ескерместен, БАҚ-та жарияланып кетті», - дейді.

Сонымен қатар, жұмыс сапары барысында техникалық және кәсіптік білім беруді жаңғырту, елдегі химиялық кластердің даму болашағы мен аграрлы сала мен Жамбыл облысының дамуы сөз болды.

Барлық жаңалықтар