«Сарыарқа» АЭА-ны дамыту үшін 6,1 млрд теңге жұмсалды
7 Қараша, 2014 15:17
Қарағанды облысында «Сарыарқа» арнайы экономикалық аймақта 3 жоба іске қосылды және оларды жүзеге асыруға 6,1 млрд теңге жұмсалды, деп әкімдіктен хабарлады.
АЭА аумағында қайта өңдеу өндірісі қызметіне басымдылық берілген.
Әкімдіктің мәліметі бойынша, барлығы АЭА аумағында 3 жоба іске қосылды, тағы 8-і жүзеге асырылу барысында. Жалпы жобалардың құны 152,4 млрд теңге, инвестиция көлемі 6,1 млрд теңге, салық төлемдері 0,5 млрд теңге.
Табысты кәсіпорындардың бірі қатты және майысқыш құбырларды өндіру, құбырларды өндіру және мұнайөндіру саласы үшін дөңгелекті крандарды өндіру зауыттары болып табылады.
Айта кетерлік жайт, «Сарыарқа» АЭА инфрақұрылым құрылысы 90%-ға аяқталды, бюджеттен 23,9 млрд теңге бөлінді. Осы ретте 2014 жылы республикалық бюджеттен 0,9 млрд теңге көлемінде қаржыландыру мақұлданды.
