Қызылорда облысы ауыл тұрғындарының 70 пайызы «Ақбұлақ» бағдарламасы аясында ауыз сумен қамтылады - әкім
7 Қараша, 2014 12:55
Қызылорда облысы ауыл тұрғындарының 70 пайызы «Ақбұлақ» бағдарламасы аясында ауыз сумен қамтылады, бұл туралы ОКҚ брифингінде облыс әкімі Қырымбек Көшербаев мәлімдеді.
Қызылорда облысында 262 ауылдық елді мекен бар. Бүгінгі күнге 185 ауылдық елді мекен, яғни 71 пайызы орталықтандырылған ауыз суға қосылған.
Бұл елді мекендерде барлық ауылдық елді мекендегі халықтың 94 пайызы тұрады. Қалған 77 елді мекен орталықтандырылмаған, яғни тікелей скважинамен, құдықтармен халық саны аз қоныстанған ауылдар.
«Ол елді мекендерге Ақбұлақ бағдарламасының талабына сәйкес халық санын ескере отырып алдымен жер асты су қорын анықтауымыз қажет. Бұл мақсатта Геология және жер қойнауын пайдалану комитетіне алдағы 3 жылға барлығы 73 елді мекен ұсынылған. Зерттеу қорытындысына қарай ауыз су ұңғымасын бұрғылау жұмыстары жүргізілетін болады», - деді Қызылорда облысының әкімі Қ.Көшербаев.
Индира Қауметова
