«Балапан» мемлекеттік бағдарламасы Қызылорда облысында уақытынан бұрын аяқталуда – Көшербаев

«Қызылорда облысы  бойынша 589 мектепке дейінгі ұйым жұмыс істейді. Онда 40491 бала тәрбиеленуде. Қазіргі таңда 3-6 жас аралығындағы балалардың  қамтылуы 88,7 пайыз», - дейді әкім.

Оның айтуынша, жеке меншік балабақшалардың көп ашылуынан облыстағы мектепке дейінгі ұйымдар желісі өсіп келеді.

«Облыс бойынша 2014 жылы 55 жеке меншік балабақша ашылып, оның саны 181-ге жетті. Жалпы, балаларды бөбекжаймен 100 пайыз қамту мәселесі 2020 жылы емес, 2015 жылы толық шешілетін болады», - дейді әкім.

Әкімнің мәліметіне сүйенсек, өткен жылы облыс бойынша үш ауысымды мектептер мәселесі шешімін тапты. Биыл Қызылорда облысында апаттық мектептерді алмастыратын 12 мектеп құрылысы аяқталады. 2016 жылдың бірінші жарты жылдығында апаттық мектептер толықтай аяқталады. Сонымен қатар, облыста 58 денсаулық сақтау нысанына күрделі жөндеу жүргізілді.

Камила Амирова