Бүгін Г.Әбдіқалықова жұмыс сапарымен Жамбыл облысына барады - БҒМ

«Жұмыс сапары барысында М.Х. Дулати атындағы Тараз мемлекеттік университетінің бақылау кеңесінің отырысына қатысу жоспарланып отыр. Және бұл бақылау кеңесінің осындай үлгідегі Бірінші отырысы екенін  атап өту қажет», - делінген хабарламада.

Сондай-ақ, жұмыс сапары аясында құрылыс пен ТКШ, химия және агроөнеркәсіптік саласындағы компаниялар жетекшілерімен кәсіптік-техниалық білім жүйесін модернизациялау мәселелері бойынша тәжірибелік дуальді оқытуды толықтай енгізуге қатысты «Құрылыс, химия және агроөнеркәсіп саласында кәсіптік-техникалық білім жүйесін модернизациялау мәселелері» атты кеңесі өтеді.

Сонымен бірге, кеңеске қатысушылар Жамбыл облысының даму келешегін талқылайды, нақтырақ айтқанда, еліміздің ұлттық химиялық кластері, аймақтың еңбек нарығындағы ағымдағы мұқтаждықтар, облыстағы компаниялардың білікті кадрлар қажеттілігі, олардың білім беру мекемелерімен тығыз қарым-қатынас орнатуы турасында сөз қозғалды.

Жұмыс сапары шеңберінде Үкімет басшысы орынбасарының денсаулық сақтау ұйымы құрылысының барысымен танысуы, сондай-ақ, №4 емхананы аралауы жоспарланып отыр.   Мәдениет жән спорт нысандарын аралау да жоспарда бар.