Қазақстан мен Беларусь екіжақты ынтымақтастықтың өзекті мәселелерін талқылады

6 Қараша, 2014 18:44

Мәжіліс Спикері Қабиболла Жақыпов пен Беларусь Ұлттық Жиналысы өкілдері Палатасының төрағасы Владимир Андрейченко Мәскеуде ҰҚШҰ Парламенттік Ассамблеясы Кеңесі жиыны барысында қазақстандық-беларустық ынтымақтастықтың өзекті мәселелерін талқылады, деп хабарлады Мәжілістің баспасөз қызметі.

Тараптардың атап өткеніндей, қос елдің сауда-экономикалық, мәдени-гуманитарлық және басқа да салаларда өзара іс-қимылды нығайтудың мүмкіндігі зор екенін атап өтті. Әсіресе, интеграциялық үдерістерді есепке ала отырып, парламентаралық өзара іс-қимылды ынталандыруға айрықша назар аударылды. Өз кезегінде В.Андрейченко:

«Қазақстан Беларусь мемлекеті үшін сенімді дос, әріптес және одақтас. Парламентаралық механизмдер біздің ынтымақтастығымызды одан әрі тиімді дамытуға ықпал ететін болады»,-деді.

Қ. Жақыпов пен В.Андрейченко ҚР Парламенті Мәжілісі мен Беларусь Ұлттық Жиналысы өкілдері Палатасы арасында ынтымақтастық туралы келісімге қол қойылу мүмкіндігін де жоққа шығармады.

Мәжіліс Төрағасы Беларусь Ұлттық Жиналысы өкілдері Палатасы Спикерін ресми сапармен Қазақстанға келуге шақырды.