Ислам даму банкі Астанадағы мектептік тамақтандыру жобасын қаржыландырады – Байдәулет

«Ислам даму банкінде 9 жоба бар, соның 4 жобасы ауыл шаруашылығына инвестиция салуға, 3 жоба жол жобаларына және 1 жоба энергетика саласына бағытталса, тағы бір жоба Астана мектептеріндегі тамақтандыру жобасын қаржыландырмақ», - дейді ол.

Оның айтуынша, аталмыш жоба «Астана» әлеуметтік-кәсіпкерлік корпорациясымен бірлесіп іске асырылмақ.

«Ислам даму банкі тарапынан жобаны толық қолдауға келісім беріліп отыр. Қаржыландыру өте «жұмсақ» болады. Қазіргі таңда бұған қатысты келіссөздер жүруде. Келіп түскен ұсыныстардың ішінен арнайы осы жобаны таңдап отырмыз», - дейді.

Байдәулеттің айтуынша, қаржыландыру қарыз түрінде болады, үлескерлікпен емес. Оның мәліметінше, Ислам даму банкі жобаға кіргенімен, белгілі бір уақыттан кейін шығып кетпек.

Индира Қауметова